Հոդվածներ
Ի՞նչ տպավորություն եք թողնում առաջին հանդիպման ժամանակ
Սրճարանում բարմենը քեզ հետ զրույցի է բռնվում:
ա. Որևէ պատրվակ ես գտնում և հեռանում` թողնելով, որ նա խոսակցությունը շարունակի ընկերուհուդ հետ:
բ. Նա այնպես է տարվում քեզանով, որ չի էլ նկատում մյուս հաճախորդների նյարդային վիճակն ու սպասումը:
գ. Քո ռեակցիայից նա վախենում է և շտապում է հեռանալ:
դ. Նրա հետ չես շփվում. կարմրում ես, լռում և գլուխդ կախում:
Քո նոր կին ղեկավարն աշխատակիցներին խնդրում է հավաքվել, ծանոթանալ: Դու`
ա. լուռ զննում ես՝ մտածելով, թե ինչ կցանկանայիր փոխել աշխատանքում.
բ. նրան առաջարկում ես կազմակերպել ճաշկերույթ-հավաք՝ հավատացնելով, որ այդպես կհեշտանա նրա գործը.
գ. սեփական նախաձեռնությամբ սկսում ես պատմել ձեր գրասենյակի աշխատողների մասին.
դ. լուռումունջ հետևում ես իրադարձությունների ընթացքին:
Ընկերդ քեզ հրավիրում է երեկույթի, որտեղ հավաքվել են իր գործընկերները: Դու`
ա. ամեն րոպե նայում ես ձեռքիդ հայելուն, թարմացնում շրթներկդ, ուղղում սանրվածքդ.
բ. միանում ես աղջիկների խմբին. սկսվում է շատախոսությունը.
գ. ծանոթանում ես ընկերոջդ ղեկավարի հետ և խոսակցության ընթացքում ակնարկում, որ ընկերոջդ պաշտոնը բարձրացնեն.
դ. ոչ մի քայլ չես հեռանում ընկերոջիցդ, որպեսզի քեզ միայնակ ու լքված չզգաս:
Ինչո՞վ է աչքի ընկնում քո արտաքինը:
ա.Նրբագեղությամբ:
բ. Կրքոտությամբ:
գ. Ձգողական ուժով:
դ. Ուշադրությամբ:
Դու զուգվում ես հարդարման սենյակում: Հարևանությամբ կանգնած աղջիկը նույնպես սանրվում և շպարվում է: Դու`
ա. լռում ես, քանի որ միասին շուրթերը ներկելը դեռ ծանոթանալու առիթ չէ.
բ. մի քանի րոպեում նրան պատմում ես քո ամբողջ կենսագրությունը.
գ. պատմում ես, թե ինչ կարծիքի ես տղամարդկանց մասին.
դ. պարզապես ժպտում ես նրան, երբ ձեր հայացքները հայելու մեջ հանդիպում են:
Ի՞նչ տպավորություն ես թողել լավագույն ընկերուհուդ վրա առաջին հանդիպման ժամանակ:
ա. Նա հետագայում խոստովանեց, որ դու իրեն ուղղակի հիացրել ես քո պահվածքով:
բ. Նրան դուր էր եկել, որ դու բոլորի ուշադրության կենտրոնում ես:
գ. Նրան դուր էր եկել քո ուղղամտությունը, քանի որ նա ևս չի սիրում կեղծավոր մարդկանց:
դ. Նա նկատել էր, որ դու համեստ ես, ամոթխած, ու որոշել էր դառնալ քո պահապան հրեշտակը:
Քո երկրպագուն առաջին անգամ քեզ ճաշի է հրավիրում իրենց տուն` միաժամանակ որոշելով ծանոթացնել ծնողների հետ: Դու`
ա. մեկ ժամ հետո հրաժեշտ տալու առիթ ես փնտրում ու հեռանում.
բ. փորձում ես խոհանոցում օգնել երկրպագուիդ մայրիկին.
գ. քեզ պահում ես շատ բնական և բոլորովին չես լարվում.
դ. փորձում ես խորամանկորեն ուսումնասիրել քո փեսացուի ծնողներին, ծանոթանալ տան կարգուկանոնին:
Ծանոթությունների ինտերնետային էջում քո մասին կարելի է գրել.
ա. Սառցե թագուհին սպասում է նրան, ով կփորձի հալեցնել իր սրտի սառույցը:
բ. Սիրում է արկածներ, չի հրաժարվի զվարճանալուց:
գ. Փնտրում է հաջողակ, սեքսուալ, փառասեր տղամարդու:
դ. Փնտրում է մեկին, որն իր հետ կհամտեսի համեղ կերակրատեսակներ:
Սրճարանում մատուցողը բերում է այն կերակրատեսակը, որը դու չես պատվիրել: Դու`
ա. հարցուփորձ ես անում, թե նա քեզ համար ինչ է բերել.
բ. դիմում ես ընկերուհուդ, թե չի՞ ցանկանում փոխել իր պատվիրած կերակրատեսակը քո պատվիրածի հետ.
գ. մատուցողին հանգիստ բացատրում ես, որ նա սխալվել է.
դ. լռում ես՝ սպասելով, որ մատուցողն ինքը կնկատի իր սխալը:
ԸՆՏՐԻ՛Ր ԱՅՆ ՏԱՐԲԵՐԱԿԸ, ՈՐԸ ԿԳԵՐԱԿՇՌԻ ՔՈ ՊԱՏԱՍԽԱՆՆԵՐՈՒՄ
Ա տարբերակ
Քո ինքնատիրապետմանը նույնիսկ կարելի է նախանձել, բայց նրանք, ովքեր քեզ չեն ճանաչում, կարող են մտածել, որ դու ոչ թե ինքնավստահ ես, այլ ուղղակի մեծամիտ: Որպեսզի մարդիկ այդպես չմտածեն, լավ կլինի, որ դու ինքդ անես առաջին քայլը: Ժպտա՛ քո նոր ծանոթին, նայի՛ր աչքերին, հարցրո՛ւ, թե ինչպես են նրա գործերը, և նրա կասկածները միանգամից հօդս կցնդեն: Եթե առաջին քայլից խուսափես, ապա չես կարող մտերմանալ մարդկանց հետ:
Բ տարբերակ
Դու շատ հեշտությամբ ես նոր ընկերներ գտնում և նոր ծանոթություններ հաստատում, քանի որ բարեհամբույր ես,
անկեղծ, շփվող: Իհարկե, դժվար է անընդհատ ուշադրության կենտրոնում գտնվելը, այդ պատճառով էլ բարեհամբո՛ւյր գտնվիր և ժպտա՛, երբ ուրիշները կատակում են, անգամ եթե հումորներն անհաջող են: Փորձի՛ր ինքդ քիչ խոսել: Եթե քեզ շրջապատողներին հաճելի ու հարմարավետ է քո կողքին գտնվելը, և նրանք զգում են
քո անկեղծությունը, ապա դու էլ քեզ հանգիստ ու հարմարավետ կզգաս:
Գ տարբերակ
Դու չափազանց անկեղծ անձնավորություն ես: Եվ ոչ ոք չի կասկածում քո անկեղծությանը: Քո կարծիքը մարդիկ մշտապես հաշվի են առնում, սիրում են քեզ հետ շփվել: Սակայն նման անկեղծությունն էլ ունի իր բացասական կողմը և հաճախ դիտվում է իբրև կոպտություն: Եթե դու վիրավորես զրուցակցիդ ինքնասիրությունը, ոչ մի կերպ չես կարողանա նրան ավելի լավ ճանաչել: Այնպես որ աշխատի՛ր թաքցնել անկեղծությունդ և մի քիչ
զսպի՛ր կրքերդ: Այդ պարագայում նոր ծանոթներիդ համար ավելի հեշտ կլինի քեզ հետ շփվելը:
Դ տարբերակ
Դու կարողանում ես մարդկանց լսել: Բայց եթե դու շարունակ լռում ես, զրուցակիցդ կարող է մտածել, որ իրականում ինքը քեզ չի հետաքրքրում: Լավ կլինի, որ երբեմն դու էլ խոսես, ասես քո կարծիքը: Եթե դու ամաչում ես, որ քեզ կքննադատեն, ապա հիշի՛ր, որ քեզ շրջապատողները նույնպես կարող են այդպես մտածել: Այնպես որ շփվի՛ր բոլորի հետ:
Աղբյուրը՝ http://newmag.am/2015/test-2/