“Կոմսոմոլսկայա պրավդա” պարբերականը հայտնում է , որ հայտնի հաղորդավար Անդրեյ Մալախովը պատրաստվում է ամուսնանալ դպրոցականի հետ: Պարզվում է, արդեն մեկ տարի է ինչ հաղորդավարն իր մատնեմատին կրում է նշանադրության մատանի: “Այո՛, մատանին նշանադրության մատանի է, բայց ես չեմ կարող այժմ խոսել այդ մասին”, _ ասել էր Մալախովը լրագրողներին մի քանի ամիս առաջ: Որից հետո լուրեր տարածվեցին, որ Անդրեյն առաջարկություն է արել Մարգարիտա անունով համակրելի մի շիկահեր աղջկա, որի հետ վերջին ժամանակներում ներկա է գտնվել բոլոր հավաքույթներին: Եվ միայն “ՏԷՖԻ”-ի մրցանակաբաշխության ժամանակ հաղորդավարի կողքին էր երիտասարդ անծանոթուհի Լիդան: Սակայն պարզվեց, որ հենց նա էր Մալախովի հարսնացուն: “Այո, ես ամուսնանում եմ , _ խոստովանում է Անդրեյը ,_ չնայած, որ դեռ որոշված չէ մեր հարսանիքի օրը, այնուամենայնիվ “Կոմսոմոլկան” թերթերից առաջինը կլինի որին ես կհրավիրեմ մեր հարսանեկան հավաքույթին: Մատանիները մենք գնել ենք շատ վաղուց: Սակայն իմ հարսնացուի անունը Լիդա է, իսկ Մարգարիտան նրա մայրն է”: Ինչպես հայտնի դարձավ, ամբողջ այդ ընթացքում Մալախովը հանդես էր գալիս իր հարսնացուի մայրիկի հետ, որպեսզի ձեռք բերեր դեպի իր հանդեպ զոքանչի վստահությունը: Դա ամենևին էլ տարօրինակ չէ, չէ որ Անդրեյի հարսնացուն ընդամենը 16 տարեկան է: Եվ ինչպես երևում է Մարգարիտան այդ ամուսնությանը դեմ չէ:
“ Մենք Լիդայի հետ առաջին անգամ եղել ենք “ՏԷՖԻ” – ի մրցանակաբաշխությանը,_ ասում է 35 – ամյա հաղորդավարը ,_ նա այս տարի ավարտում է դպրոցը”: Անդրեյի խոսքերով, ինքը ծանոթացել է Լիդայի հետ Ֆրանսիայում: Աղջիկը գերել է նրան իր բարությամբ և անկեղծությամբ: Դրա հետ մեկտեղ Մալախովի ապագա կինը, չնայած նրա մոդելին բնորոշ տվյալներին, երազում է դառնալ ճարտարապետ:
Իսկ այս պահին սիրահարներն ընտրում են հարսանյաց զգեստներ և պատրաստվում ամուսնական արարողությանը: “ Սիրո հարցում տարիքը խոչընդոտ չէ” , _ վստահ հայտարարել է Անդրեյը: