Ռուսաստանի դաշնության արտաքին գործերի նախարար Սերգեյ Լավրովը, վերջերս ամուսնացրել է իր միակ դստերը: Եկատերինա Լավրովան ամուսնացել է խոշոր դեղագործական մագնատ Սեմյոն Վինակուռի որդի` Ալեքսանդր Վինակուռի հետ: Հարսանեկան արարողությունն անցել է Ռուսաստանի Դաշնության նախագահի ադմինիստրացիայի ընդունելությունների մայրաքաղաքային տանը:
Այն մասին, որ նախարարը պատրաստվում է իր միակ դստեր հարսանիքին, գիտեին միայն ծանոթների նեղ օղակը: Ռուսաստանի դաշնության ադմինիստրացիայի ընդունելության տանը հաճախ ընդունում են արտաքին բարձրաստիճան հյուրերի: Իսկ հարսանեկան արարողության օրը բեմազարդիչները չճանաչելու աստիճան փոխել էին ամեն ինչ, լուրջ հաստատությունը փոխարինելով ձմեռային հեքիաթի:
Բեմազարդիչները կառուցել էին մի հանպատրաստի բեմ, որտեղ հյուրերը նստած սպիտակ հախճասալե աթոռներին հետևում էին ամուսնական արարողության խորհրդին: Էկսպրեսս թերթը գրում է, որ 25 – ամյա Եկատերինա Լավրովան երկայնափեշ զգեստով էր, իսկ իրեն հասակակից փեսան` Ալեքսանդր Վինոկուռը` ֆրակով: Նորապսակները միմյանց երդում տվեցին և փոխանակվեցին ամուսնական մատանիներով (Cartier): Այնուհետև հյուրերին հրավիրեցին շքեղ սեղանի շուրջ: Հացկերույթից հետո հրավիրվածներին ցուցադրեցին նորապսակների սիրո հիման վրա նկարահանված մի ֆիլմ. Եկատերինան և Ալեկսանդրը ծանոթացել են Լոնդոնում:
Հարսանիքին հրավիրել էին միայն շատ հարազատ մարդկանց` Լավրովի հին բարեկամներին, որոնցից էին` խոշոր բիզնեսմեն Գրիգորի Բալցերը; նախկին հետախույզ Յուրի Կաբալադզեն; Նյու  Յորքից ժամանել էր հարսնաքույր Աննա Անիսիմովան (միլիարդատեր Վասիլի Անասիմովի դուստրը); Լոնդոնյան «The Leys School» և Քեմբրիջյան համալսարանից ժամանել էին փեսայի համակուրսեցիները: Երեկույթի անակնկալը դարձավ Վալերի Լեոնտևը` Վինոկուռների ընտանիքի հին ընկերը: Նա փեսայի հետ միասին կատարեց իր երգացանկից շատ հայտնի «Ты меня не забывай» հիտը : Այնուհետև, ինչպես բոլոր հարսանիքներում սկսվեց պար, զվարճանք, ուրախություն: